Desentralizasaun

PAPEL DEPARTEMENTU DESENTRALIZASAUN

Introdusaun

Governo Timor Leste hetan dadauk ona pas no estabilidade, maibe sei hasoru dezafiu bo'ot iha prosesu dezenvolvimentu iha nivel lokal ne'be mak maioria populasaun konsetra ba.

hahu'u agora Governu presiza kria kondisaun baziku ruma iha nivel lokal, presiza kria mekanismu institucional no prosedimentu ruma hodi fasilita prosesu dezenvolvimentu ruma hodi fasilita prosesu dezenvolvimentu iha nivel loka. Nune'e mos Governo presiza estabelese sistema ida hanesan mákina do estado hodi fasilita prosesu dezenvolvimentu ho diak. komitmentu Governu ne'e hatudu liu husi planu estratejiku iha parte dezenvolvimentu nian kona-ba estabelese munisipiu iha tempu badak. Intensaun estabelese munisipiu hanesan prioridade ida ba Governu.

Papel SEFI iha area Desentralizasaun

SEFI nia papel importante tebes iha prosesu formulasaun politika desentralizasaun administrativa no poder lokal inklui iha prosesu estabelesimentu estrutura pre-deskonsentrasaun iha tempu besik mai. SEFI mos partisipa ativu iha Grupu Tekniku Permanente (GTP), Desentralizasaun Administrativa no Grupu Tekniku Trabalho elabora kuadru legal ba prosesu desentralizasaun administrativa no poder lokal nian. Nune'e mos SEFI dezenvolve politika formasaun Estrutura Pre-Deskonsentrasaun Administrativa no futuru munisipiu nebe fo sai tuir Dekretu lei No.4/2014.

Vizaun

Promove administrasaun ne'ebe efikasia, efectivu, professional no akuntavel.

Objectivo

Unidade Desentralizasaun involve ativu iha prosesu desentralizasaun administrativa no poder lokal hodi introdus prinsipius fundamental hirak tuir mai :

1. Fuan husi desentralizasaun katak oinsa poder ne'e intrega ba orgaun eleitu sira
2. Orgaun eleitu iha kompetensia atu prepara planu dezenvolvimentu munisipiu.
3. Orgaun eleitu sira iha kompetensia atu halo politika, jere finanseiru no jere jestaun pesoal (rekursu umanu).
4. Hala'ao administrasaun ne'ebe efikasia, efetivu, professional no akuntavel.
5. Burokrasia ne'ebe badak, estrutura ne'ebe kiik maibe nia funsaun boot no luan.